Friday, August 9, 2013

ဘ၀ဆိုတာ

ဘဝတာတိုတိုမှာ
ရသာချိုချိုလေးတွေ
ရှာဖွေခံစား
အသိတရားနဲ့ နေ
အသေဖြောင့်ပါစေ။ 
ရှင်သန်ခြင်းဆိုတာ ဘဝ
ဘဝဆိုတာ မျှော်လင့်ခြင်း
အသက်ရှင်ခြင်းရဲ့ အဓိပ္ပာယ်
ကြိုတင် သိပါလေ။ 
ပေါက်မဲ မပါတဲ့
ဗလာအိပ်မက်ဟာ
ဘဝ မဟုတ်ပါ။
ဘ​ဝဆိုတာ
သေချာရေရာတဲ့ နေရာ။ 
ဘဝဆိုတာ ဘာမျှမဟုတ်
ရုန်းကန်ကြိုးစားပြီး
သေခြင်းတရားဆီ
သွားနေကြတာပဲ မဟုတ်ပါလား။ 
ဘ​ဝဆိုတာ ပျော်စရာ
မတော်တာ လုပ်ဖို့ မဟုတ်ပါ။
အလုပ်လုပ်ရင်း ပျော်ရွှင်
ပျော်ရွှင်ရင်း အလုပ်လုပ်ဖို့ နေရာ။ 
ငိုခြင်းနှင့် ရယ်ခြင်းပေါင်းစပ်
အလွမ်းအသော ဇာတ်တွေကို
မရပ်မနား ကပြနေကြရတာ
လူ့ဘဝဆိုတဲ့ ဒီနေရာ။ 
အငိုနှင့် စ
အငိုနှင့် ဆုံးပြီး
လုံးပါးပါး သွားကြရတာ
အဲ့ဒါ ဘဝပါ။ 
ဘဝဆိုတာ
ကဗျာတစ်ပုဒ်ဆိုရင်
လိုချင်နှစ်သက်စရာ
ကဗျာတစ်ပုဒ်ပဲ ဖြစ်ပါစေ။ 
အချိန်ဆိုတာ ဘဝ
ဘဝဆိုတာ အချိန်ဆိုရင်
ကိုယ့်ကိုကိုယ် မလိမ်နဲ့
အချိန်ကို လေးစား
တန်ဖိုးထားတတ်ပါစေ။  


၂၀၁၁ခုနှစ်လောက်တုန်းက ning ဆိုက်တွေမှာရေးပြီးတင်ခဲ့ဘူးတဲ့ “ကဗျာ မဟုတ်တဲ့ ကဗျာ” အဟောင်းလေးတွေပါ။ ဘလော့ မှာသိမ်းထားချင်တာကြောင့် ပြန်တင်ထားတာပါ။ အချိန်ပေးပြီးဖတ်ပေးသွားတဲ့ သူငယ်ချင်းညီအကို မောင်နှမများ အားလုံး ဘ၀အမောတွေပြေကြပါစေခင်ဗျာ။ 
Posted by at
Labels:

No comments:

Post a Comment

Subscribe to: Post Comments (Atom)